მოდით, ჩავატაროთ რიგგარეშე საპარლამენტო არჩევნები - ნიკოლ ფაშინიანი ოპოზიციას

სომხეთის პრემიერ მინისტრმა ნიკოლ ფაშინიანმა მხარდამჭერთა აქციაზე ხალხს ბოდიში მოუხადა და განაცხადა, რომ მზად არის რიგგარშე საპარლამენტო არჩევნები ჩაატაროს.

 მისი თქმით, ხალხმა უნდა გადაწყვიტოს, ვინ იქნება ხელისუფლებაში. მან ბოდიში მოიხადა დაშვებული შეცდომებისთვის და პირობა დადო, რომ მსგავს შეცდომებს აღარასდროს გაიმეორებს.

„თუ პოლიტიკური ძალები დასთანხმდებიან ჩვენს წინადადებებს (რიგგარეშე არჩევნებზე კონსულტაციების შესახებ), მზად ვართ წავიდეთ რიგგარეშე არჩევნებზე... მინდა, რომ ხალხს ჰქონდეს ამის შესაძლებლობა. მინდა დარწმუნებული ვიყო, რომ მაპატიებთ. მე ვიწვევ საპარალმენტო ოპოზიციას, მოდით, ჩავატაროთ რიგგარეშე საპარლამენტო არჩევნები“, - განაცხადა ფაშინიანმა.

მან ასევე თქვა, რომ ზად არის ოქტომბერში გამართოს რეფერენდუმი ქვეყნის ახალი კონსტიტუციის შესახებ და აღნიშნა, რომ შესაძლებელია ქვეყანა საპარლამენტოდან ნახევრადსაპრეზიდენტო მმართველობაზე გადავიდეს.