ეუთო/ოდირის დასკვნა არის ბეჭედი იმ სიმართლის დასამტკიცებლად, რომელიც ამ ხნის მანძილზე, რთული გასატანი გახდა - მამუკა მდინარაძე

უთო/ოდირის დასკვნას პარლამენტის ფრაქცია ”ქართული ოცნების” თავმჯდომარე მამუკა მდინარაძე ეხმიანება და აღნიშნავს, რომ დასკვნამ კიდევ ერთხელ აჩვენა, რომ 2020 წლის არჩევნები კონკურენტუნარიანი იყო.

"ეუთო/ოდირის დასკვნა არის ბეჭედი იმ სიმართლის დასამტკიცებლად, რა სიმართლეც, მთელი ამ ხნის მანძილზე, რთული გასატანი გახდა, მაგრამ საბოლოოდ, საზოგადოებამ ყველაფერი ნათლად დაინახა.

სამწუხაროა, როდესაც სიმართლის წინააღმდეგ იბრძვიან ადამიანები და პოლიტიკური სუბიექტები.

საქართველოში 2020 წელს შედგა კონკურენტული არჩევნები ძირითადი წესების დაცვით. ჩვენ გამოვთქვამთ მზაობას, მხარეებს შორის შეთანხმებით ჩატარდეს არჩევნები, რომ ყოველი ახალი იყოს წინაზე უკეთესი,"-თქვა მამუკა მდინარაძემ.