დღეს კარგი შეხვედრა გვქონდა ოპოზიციასთან - დანიელსონი

შარლ მიშელის სპეციალური წარმომადგენელი კრისტიან დანიელსონი ამბობს, რომ კარგი შეხვედრა ჰქონდა ოპოზიციასთან და კომპრომისის მისაღწევად ახლა მნიშვნელოვანია, რომ მხარეები კოსნტრუქციულები იყვნენ.

"დღეს გვქონდა კარგი შეხვედრა ოპოზიციასთან და ვაპირებთ ამ შეხვედრების გაგრძელებას. მექნება შეხვედრა საქართველოს პრეზიდენტთანაც. მაქვს კონკრეტული ამოცანა პრეზიდენტ მიშელისგან დაკისრებული, რომ დავეხმარო მხარეებს მედიაციის პროცესში. დღეს დილით უკვე ვთქვი, რომ მნიშვნელოვანი სამუშაო უკვე ჩატარდა. ჩვენ ვაგრძელებთ მუშაობას და არის სერიოზული საკითხები, რომელიც რჩება გადასაწყვეტი. მნიშვნელოვანია, რომ ახლა მხარეები იყვნენ კონსტრუქციულები, რათა კომპრომისს მივაღწიოთ", - თქვა დანიელსონმა.

ის პრეზიდენტთან შესახვედრად უკვე გაემართა. შეგასენებთ, კრისტიან დანიელსონმა საქართველოში ვიზიტი მედიაციის პროცესის ფარგლებში ერთი დღით გაახანგრძლივა.