უცნობი ოპოზიციის საწინააღმდეგო აქციის გამართვას გეგმავს

მომღერალმა გია გაჩეჩილაძემ (უცნობი) Patlitranews-ის ეთერში განაცხადა, რომ 9 აპრილს ოპოზიციის მოწინააღმდეგეებს შეკრიბავს და ერთჯერად, მდუმარე აქციას გამართავს. როგორც მან აღნიშნა, 9 აპრილს დააფუძნებს მარადისობის დღეს. მისივე თქმით, ამ დღეს იქნება ხალხის ის რაოდენობა, რაც ქართული ოცნების ხელისუფლების პირობებში არავის უნახავს.

"იქნება მდუმარე შეკრება, არ იქნება არანაირი მიკროფონი. არ იქნება სიტყვით გამომსვლელები. მდუმარედ ხალხი დააფიქსირებს, რომ ეს არის ის რაოდენობა ადამიანების, რომელიც არ გინახავთ თქვენ 8 წლის განმავლობაში, ქართული ოცნება რაც ხელისუფლებაშია, ჩვენ მხოლოდ ვხედავთ ოპოზიციის გამოსვლებს და პროტესტს ქუჩაში. ჩვენ იმ ხალხის რაოდენობა არ გვინახავს, ვინც ამ ყველაფერს ეწინააღმდეგება.

ეს ორივეს ეხება, იმიტომ, რომ ჩვენ ვხედავთ რაც ხდება. ძალიან ბევრ რაღაცას ძალიან ცუდად აკეთებს ხელისუფლება, ოპოზიციაზე საერთოდ აღარ მაქვს ლაპარაკი, ეს არაფერში აღარ ჯდება". – თქვა გაჩეჩილაძემ.