გია გაჩეჩილაძე ბერლინის კედლის ფრაგმენტზე გაკეთებული წარწერის გამო დაჯარიმდება

თბილისის მერია გია გაჩეჩილაძეს ევროპულ მოედანზე მდგარ ბერლინის კედლის ფრაგმენტზე გაკეთებული წარწერის გამო დააჯარიმებს.

მერიის ინფორმციით, მუნიციპალურ ინსპექციას ექნება შესაბამისი რეაგირება და კანონის მიხედვით იმოქმედებენ. მუნიციპალური ინსპექცია გია გაჩეჩილაძეს, სავარაუდოდ, 1 000 ლარის ოდენობის ჯარიმას გამოუწერს.

გია გაჩეჩილაძემ მის მიერვე ორგანიზებულ "ინტელექტუალურ შეკრებაზე", ევროპულ მოედანზე მდგარ ბერლინის კედლის ფრაგმენტს "ღმერთი სიყვარულია" დააწერა.  საქართველოს მოქმედი კანონმდებლობით, კულტურული მემკვიდრეობის ძეგლზე წარწერის გაკეთება ვანდალიზმია.

აღნიშნული კედლის ფრაგმენტი გერმანიამ საქართველოს 2017 წელს ქართულ-გერმანული მეგობრობის სიმბოლოდ გადასცა. ამავე წლის ნოემბერში კი კედლის ფრაგმენტი ევროპის მოედანზე დაიდგა.