თურქეთის ქალაქ მარდინში აფეთქება იმ ადგილას მოხდა, სადაც დავუდოღლუს კორტეჟს უნდა გაევლო

თურქეთის ქალაქ მარდინში, სადაც ვიზიტით ქვეყნის პრემიერ-მინისტრი აჰმედ დავუდოღლუ იმყოფება, აფეთქება მოხდა. შედეგად ერთი ადამიანი დაიღუპა. პოლიცია მომხდართან დაკავშირებით ქალაქის სხვა რაიონებსაც ამოწმებს.

ადგილობრივი მედიის ინფორმაციით, თვითნაკეთი ასაფეთქებელი მოწყობილობა რესპუბლიკის მოედანზე აფეთქდა, სამართალდამცავებმა ინციდენტთან დაკავშირებით გამოძიება დაიწყეს.

რესპუბლიკის მოედანზე დავუდოღლუს კორტეჟს უნდა გაევლო. ქალაქში გაძლიერებულია უსაფრთხოების ზომები.