ავღანელმა სამხედრო პილოტებმა, ოჯახებთან ერთად თვითმფრინავები გაიტაცეს და ქვეყნიდან გაიქცნენ

ავღანეთის შეიარაღებული ძალების პილოტებმა და მათი ოჯახის წევრებმა თვითმფრინავები და ვერტმფრენები გაიტაცეს და ქვეყნიდან გაიქცნენ. ამ დროისათვის ისინი უზბეკეთის ტერიტორიაზე იმყოფებიან.

აშშ-სა და უზბეკეთს შორის უკვე მიღწეულია შეთანხმება, რომლის თანახამდ, ავღანელ პილოტებსა და მათ ოჯახებს ყატარის ამერიკულ სამხედრო ბაზაზე გადაიყვანენ. ინფორმაციას The Wall Street Journal-ი ავრცელებს.

გამოცემის ინფორმაციით, უზბეკეთში საერთო ჯამში 585 ადამიანი გაიქცა. მათ გამოიყენეს 46 სხვადასხვა საფრენი საშუალება, მათ შორის, Black Hawk-ის ტიპის ამერიკული ვერტმფრენები, PC-12 -ის ტიპის სადამკვირვებლო  და რუსული მი-17 ტიპის თვითმფრინავები. პილოტებსა და მათი ოჯახის წევრებს დროებით ყატარში ამერიკულ სამხედრო ბაზაზე, შემდეგ კი სხვა ქვეყნებში მუდმივ საცხოვრებლად გადაიყვანენ.

უზბეკეთში დარჩენილი ტექნიკის ბედი კი ჯერჯერობით გაურკვეველია.