ნატოს თავდაცვის მინისტერიალს თინა ხიდაშელი დაესწრება

ნატოს თავდაცვის მინისტერიალი იხსნება დღეს ბრიუსელში. მთავარი განსახილველი თემებია სირიაში განვითარებული მოვლენები და ნატოს უსაფრთხოების კონცეფცია ახალ საფრთხეებზე.

ასევე იმსჯელებენ რუსეთიდან მომდინარე საფრთხეებზე და სირიაში მიმდინარე სამხედრო ოპერაციებში რუსეთის ჩართულობაზე.

მინისტერიალს საქართველოს თავდაცვის მინისტრიც ესწრება, რომელიც ასევე მართავს ორმხრივ შეხვედრებს. ხვალ ის ნატო-საქართველოს კომისიის სხდომასაც დაესწრება.

თინა ხიდაშელის თქმით, საქართველოს მიზანია ვარშავის სამიტისთვის მზადება და იქიდან მაქსიმალური სარგებლით დაბრუნება.

„ამ ეტაპზე ეს კონსენსუსი რომ არ არის, ეს ნათელია და ამაზე რაიმე სპეკულაციები დავიწყოთ, არასწორი იქნება. პირველი დეკემბრის დეკლარაცია არის დასტური იმ მასშტაბის კონსენსუსის, რაც იქ ჩაიწერა,“ - განაცხადა თინა ხიდაშელმა.

საკითხთან დაკავშირებით, კომენტარი გააკეთა საგარეო საქმეთა მინისტრმაც მიხეილ ჯანელიძემ. 

„მოხდება ყველა საკითხის განხილვა, რომელიც უკავშირდება ნატოსა და საქართველოს ურთიერთობებს,“ - განაცხადა მიხეილ ჯანელიძემ.