რა პოზაში გადამიყვანია პაციენტი იცი? ზოგჯერ ზურგზე მომიკიდებია, ზოგჯერ ხუთ კაცს აგვიყვანია უხერხული პოზით - ლადო კახაძე

რა პოზაში გადამიყვანია პაციენტი იცი? ზოგჯერ ზურგზე მომიკიდებია, ზოგჯერ ხუთ კაცს აგვიყვანია უხერხული პოზით, - განაცხადა ქართული ოცნების დეპუტატმა ლადო კახაძემ "ჯორჯიან თაიმსის" ეთერში, მიხეილ სააკაშვილის გლდანის ციხეში ძალის გამოყენებით შეყვანის შესახებ საუბრისას.

"მინდა, ჩემი ახალგაზრდობის პერიოდი გაგახსენო უცბად, მე რა პოზაში გადამიყვანია პაციენტი ერთი ადგილიდან მეორეში, იცი? ზოგჯერ ზურგზე მომიკიდებია, ზოგჯერ ხუთ კაცს აგვიყვანია ისე უხერხული პოზით. მთავარი იყო, რომ ის ადამიანი ადგილზე მიგვეყვანა, რომ იმის საშველად… პაციენტი თუ საჭიროებს გადაყვანას ერთი ადგილიდან მეორეზე და ეს არის ურგენტი და სჭირდება… ფორმა შემეკითხეთ, ახლა შინაარსი... ეხლა პრეზიდენტი. მე უფრო ასე ვიტყოდი, ის პრეზიდენტი მაშინაა ღირსეული და ყველაზე ღირსეული, როდესაც თავისი ჩვეულებრივი მოქალაქისგან არაფრით განსხვავდება და არ იკადრებს მოქალაქეზე ზევით დადგომას ან ზემოდან ყურებას", - თქვა კახაძემ.