გერმანიის პარლამენტმა მხარი დაუჭირა სავალდებულო ვაქცინაციას გარკვეული პროფესიული ჯგუფებისთვის

გერმანიაში დაამტკიცეს სავალდებული ვაქცინაცია გარკვეული პროფესიული ჯგუფებისთვის. 10 დეკემბერს ბუნდესტაგის დეპუტატებმა სოციალ-დემოკტრატების, „მწვანეებისა“ და ლიბერალების შემადგენლობით, ასევე ოპოზიციონერმა ქრისტიან-დემოკრატება დაამტკიცეს შესწორება კანონში ეპიდემიოლოგიური დაცვის შესახებ, რომელსაც შემდეგ ბუნდესტაგის წევრებმა საგანგები სხდომაზე მხარი დაუჭირეს.

კანონპროექტი ითვალისწინებს კორონავირუსის საწინააღმდეგო ვაქცინაციას საავადმყოფოებისა და ხანდაზმულთა სახლების პერსონალისთვის. ასევე შესწორება ფედერალური მიწების ხელისუფლების წარმომადგენლებს ვირუსთან ბრძოლის ფარგლებში უფლებას აძლევს დახურონ კლუბები, დისკოთეკები და რესტორნები, აგრეთვე გააუქმონ სპორტული და გასართობი ღონისძიებები.

ვაქცინაციის პროცესის დასაჩქარებლად, კანონპროექტი ითვალისწინებს დროებით ნებართვას აცრა გაუკეთდეთ ვეტერინარებს, სტომატოლოგებსა და ფარმაცევტებს. შრომის ბაზრის სტაბილიზაციისათვის გათვალისწინებულია 2022 წლის მარტის ბოლომდე ღონისძიებების გაგრძელება, რომელიც უკავშირდება სამუშაო კვირის შემცირების შემოღებას.

გერმანიის ჯანდაცვის მინისტრმა კარლ ლაუტერბახმა დებატების დროს ბუნდესტაგში აღნიშნა, რომ მთავარი მიზანია მოსახლეობის დაცვა კრიზისის დროს. მისი თქმით, აუცილებელია კორონავირუსის დელტა ვარიანტით ინფიცირების გავრცელების შეკავება და ამავდროულად დაავადების ტალღის შეჩერება, რომელსაც ახალი მუტაცია ომიკრონი იწვევს და ამასთან, უზრუნველყოფილი იყოს შობის სადღესასწაულო დღეების უსაფრთხოება.