კორონავირუსის „ომიკრონ“ შტამი „დელტაზე“ ნაკლებად საშიშია - ჯანმო

წინასწარი მონაცემებით, კორონავირუსის ახალმა შტამმა „ომიკრონმა“, შესაძლოა, COVID-19-ის საწინააღმდეგო ვაქცინების ეფექტიანობა შეამციროს, მაგრამ ეს ვარიანტი ნაკლებად საშიში აღმოჩნდეს, ვიდრე „დელტა“. ამის შესახებ ნათქვამია ჯანმრთელობის მსოფლიო ორგანიზაციის განცხადებაში.

„დღეისათვის, შეზღუდული მონაცემები გვაქვს და არ გვაქვს მტკიცებულებები „ომიკრნის“ წინააღდეგ ვაქცინების ეფექტიანობის შესახებ. წინასწარი მონაცემებით, „ომიკრონის“ შტამის  მნიშვნელოვნად შეცვლილი ცილის ანტიგენის პროფილი გვაძლევს საშუალებას ვივარაუდოთ ვაქცინების ეფექტიანობის შესახებ“, - ნათქვამია განცხადებაში.

ამასთან, ჯანმო-ში აღნიშნავენ, რომ წინასწარი მონაცემები იმაზე მიანიშნებს, რომ ახალი შტამი ნაკლებად საშიში იქნება, ვინაიდან, გამოვლენილი შემთხვევების უმეტესობა უსიმპტომოდ, ან მსუბუქად და საშუალო სიმპტომებით მიმდინარეობდა.

„ამის გარდა, 2021 წლის 9 დეკემბრის მდგომარეობით, COVID-19-ის ახალი შტამი „ომიკრონი“ გამოვლენილია 63 ქვეყანაში და წინასწარი მონაცემებით ის მთელ მსოფლიოში „დელტა“ შტამზე მეტად სწრაფად ვრცელდება“, - აღნიშნულია ინფორმაციაში.