ამ პროცესს შანსი უნდა მივცეთ - სალომე სამადაშვილი ორბელიანების სასახლეში პოლიტიკური პარტიების მიწვევაზე

საქართველო, თბილისი - 12:36 | 16.12.2021
ნანახია: 419

ოპოზიციონერი დეპუტატი სალომე სამადაშვილი ორბელიანების სასახლეში პრეზიდენტ სალომე ზურაბიშვილთან მიღებაზე პოლიტიკური პარტიების მიწვევასთან დაკავშირებით აცხადებს, რომ მომავალი აჩვენებს, როგორ წარიმართება მოვლენები.

სამადაშვილი ფიქრობს, რომ „ამ პროცესს ოპოზიციამ შანსი უნდა მისცეს“.

„ვფიქრობ, პირველ რიგში, დღევანდელი მიღება არის ჟესტი მისი მხრიდან – ოპოზიციის დაპატიჟებაც და ჩვენი მხრიდან ვინც მიიღო ეს მოწვევა. დანარჩენს მომავალი აჩვენებს, როგორ წარიმართება პროცესი, რომელიც დააანონსა საქართველოს პრეზიდენტმა. ვფიქრობ, ამ პროცესს ჩვენ შანსი უნდა მივცეთ“, – განაცხადა სალომე სამადაშვილმა.

შეგახსენებთ, პრეზიდენტი სალომე ზურაბიშვილი დღეს პოლიტიკური პარტიებისთვის საახალწლო მიღებას გამართავს.


პოლიტიკა



არქივი

მოგვძებნე Facebook-ზე