ისტორიაში პირველად, ბერლინის მერი ქალი გახდა

საქართველო, თბილისი - 16:27 | 22.12.2021
ნანახია: 391

ოჯახის საქმეთა ყოფილი მინისტრი ფრანცისკა გიფაი ისტორიაში პირველი ქალია, რომელიც ბერლინის მერი გახდა. ამავდროულად ის ბერლინის ფედერალური მიწის მთავრობასაც უხელმძღვანელებს.

 „დოიჩე ველეს“ ინფორმაციით, მის კანდიდატურას მხარი ფედერალური პარლამენტის 139 დეპუტატიდან 84-მა დაუჭირა, 52-მა წინააღმდეგ მისცა ხმა, ორმა კი თავი შეიკავა.

არჩევისა და ფიცის დადების შემდეგ გიფაი მოვალეობის შესრულებას შეუდგა და უკვე დანიშნა ათი სენატორი - ბერლინის ფედერალური მიწის მთავრობის წევრები.

ამრიგად, პირველად ისტორიში, ბერლინის მთავრობის შემადგენლობაში უმრავლესობას ქალები წარმოადგენენ - შვიდი ქალი და ოთხი კაცი.

2016 წლიდან ბერლინს მართავს კოალიცია სოციალ-დემოკრატების შემადგენლობით, რომლის წევრიც არის ფრანცისკა გიფაი, ასევე მწვანეები და მემარცხენეთა პარტია. გიფაის წინამორბედი ბუგომისტრის (მერის) თანამდებობაზე მისი თანაპარტიელი მიხაელ მიულერი იყო, ახლა ის ბუნდესტაგის დეპუტატად არის არჩეული.

გიფაი უკვე ზედიზედ მესამე სოციალ-დემოკრატია, რომელიც ბერლინის მთავრობას ხელმძღვანელობს.

გიფაი, რომელიც მანამდე სოციალ-დემოკრატიული პარტიის თავმჯდომარის პოსტზე განიხილებოდა, მინისტრის პოსტი მაისში სკანდალით დატოვა. აღნიშნული სკანდალი კი მის სადოქტორი ნაშრომში პლაგიატის აღმოჩენას უკავშირდებოდა.


პოლიტიკა



არქივი

მოგვძებნე Facebook-ზე