„თალიბანმა“, პირველად ისტორიაში, ხელმძღვანელ თანამდებობებზე ქალები დანიშნა

ავღანეთში, „თალიბანის“ მიერ ძალაუფლების ხელში ჩაგდების შემდეგ, პირველად, ხელმძღვანელ თანამდებობებზე ქალები დაინიშნენ. ინფორმაციისა და კულტურის მინისტრის ზაბიულა მუჯაჰიდის Twitter-ზე გამოქვეყნებული ინფორმაციის თანახმად, ექიმი მალალაი რაჰიმი ქაბულში, სპეციალიზებული სამშობიარო სახლის „მალალაის“ დირექტორად დაინიშნა,

კიდევ ერთი ქალი - ექიმი არიანი კი შაჰრარის კვარტალში გინეკოლოგიური კლინიკის დირექტორად დანიშნეს.

აღნიშნული დანიშვნები თალიბებისა და საერთაშორისო ორგანიზაციების შეხვედრების შედეგია, რომლის დროსაც მოლაპარაკებების ეხებოდა ავღანეთის საზოგადოებრივ-პოლიტიკურ ცხოვრებაში ქალების მონაწილეობის საკითხებს.

ამასთან, ავღანეთში, მსოფლიოში მშობიარობის დროს სიკვდილიანობის ყველაზე მაღალი მაჩვენებელია და აღნიშნული პრობლემა სწრაფ და გადაუდებელ გადაჭრას საჭიროებს.

2021 წლის აგვისტოში ძალაუფლების ხელში ჩაგდების შემდეგ, თალიბებმა შექმნეს ქალთა საქმეთა სამინისტრო. გოგონებს შეუზღუდეს განათლების მიღება, ქალი ტელეწამყვანებისთვის შემოიღეს ჰიჯაბების ტარება, აკრძლეს ტელევიზიებით ქალების მონაწილეობით ფილმების ჩვენება. „თალიბანის“ მიერ ფორმირებულ დროებით მთავრობაში ჯერჯერობით არც ერთი ქალი არ არის დასაქმებული.