ევროპელების უმეტესობა მზად არის უკრაინა დაიცვას - გამოკითხვა

საერთაშორისო პოლიტიკის საკითხებში ევროპის საბჭოს  (ECFR) მიერ ჩატარებული გამოკითხვის თანახმად, ევროპის ქვეყნების მოქალაქეების ნახევარზე მეტი მხარს უჭერს ევროკავშირსა და ნატო-ში უკრაინის გაწევრიანებისა და რუსეთის შეჭრის შემთხვევაში უკრაინის დაცვის იდეას. გამოკითხვა შვიდ ქვეყანაში ჩატარდა. იუწყება გამოცემა Süddeutsche Zeitung-ი.

აღნიშნულ იდეას მხარი რესპოდენტების 60-მა პროცენტმა დაუჭირა. გამოკითხულთა ნახევარი უკრაინის დაცვას ავალდებულებს აშშ-ს, გერმანიას ან საფრანგეთს.  ECFR-ის ექსპერტები აღნიშნავენ, რომ რუსეთის პრეზიდენტი ვლადიმირ პუტინი გაკვირვებული დარჩება იმით, რომ ევროპელების უმეტესობა მზად არის უკრაინის დასაცავად.

მხოლოდ პოლონეთში მცხოვრებთა უმეტესობას (65 პროცენტი) მიაჩნია, რომ მათი ქვეყანა უნდა ჩაერიოს კონფლიქტის ესკალაციის შემთხვევაში. შვედეთში ასეთ პოზიციას ეთანხმება გამოკითხულთა 43 პროცენტი, გერმანიაში - 37 პროცენტი, ფინეთში - ყოველი მეხუთე.

გამოცემის მონაცემებით, გერმანიისა და ფინეთის მცხოვრებლები ყველაზე ნაკლებად არიან მზად, თუმცა ემხრობიან ეკონომიკის დახმარებას, მათ შორის ენერგომატარებლებზე მაღალი ფასების, უკრაინიდან ლტოლვილების ნაკადისა და რუსეთის მხრიდან ფიზიკურად თავდასხმის საფრთხის ან კიბერშეტევების შემთხვევაში. ამასთან, პოლონეთში, რუმინეთსა და შვედეთში გამოკითხულთა შორის მსგავსი პერსპექტივა ნაკლებ შეშფოთებას იწვევს.

მიმდინარე წელს უკრაინაში რუსეთის შესაძლო შეჭრის სჯერა პოლონეთის მოსახლეობის 73%-ს, რუმინეთის 62%-ს, შვედეთის 55%-ს, გერმანიის 52%, იტალიის 52%-სა და საფრანგეთის 51%-ს. მხოლოდ ფინეთში სოციოლოგებმა ვერ შეძლეს გამოკვეთილი უმრავლესობის გამოვლენა.