დავით თევზაძე პრეზიდენტის მრჩევლად დაინიშნა

საქართველოს თავდაცვის ყოფილი მინისტრი დავით თევზაძე სტრატეგიული დაგეგმვის საკითხებში საქართველოს პრეზიდენტის მთავარ მრჩევლად დაინიშნა. ამის შესახებ ნათქვამია პრეზიდენტის ადმინისტრაციის ვებგვერდზე გამოქვეყნებულ ინფორმაციაში.

ადმინისტრაციის ცნობით, დავით თევზაძე ამ თანამდებობაზე 2022 წლის 21 თებერვლიდან დაინიშნა.

1998-2004 წლებში დავით თევზაძე იყო საქართველოს თავდაცვის მინისტრი და შეიარაღებული ძალების მთავარსარდალი, ეროვნული უშიშროების საბჭოს წევრი, 2004 წელს – საქართველოს ელჩი NATO-ში. 2004-2005 წლებში ხელმძღვანელობდა სტრატეგიული კვლევების ჯგუფს. დათხოვილია თადარიგში 2004 წლიდან.

2017 წლიდან იგი იყო ვეტერანების საქმეთა სახელმწიფო სამსახურის დირექტორის მრჩეველი.