საკონსტიტუციო სასამართლომ ,,რუსთავი2“-ის სარჩელის არსებითი განხილვა დაიწყო

საკონსტიტუციო სასამართლომ ,,რუსთავი 2“-ის სარჩელის არსებითი განხილვა დაიწყო. ამ წუთებში სასამართლო მხარეთა პოზიციებს ისმენს.

დავის საგანი საპროცესო კოდექსის 2 საკითხია - ერთი შეეხება დაუყოვნებლივი აღსრულების ნორმას, მეორე დროებითი მმართველის დანიშვნას სამაუწყებლო კომპანიაში.

,,ტელეკომპანიის მიმართ მიმდინარე პროცესებიდან გამომდინარე, აშკარად გამოჩნდა, რომ ეს არ იყო სამართლებრივი დავა. ასე, რომ ხვალ და ზეგ რა გადაწყვეტილება იქნება მიღებული ისევ ურთმელიძის თუ სხვა მოსამართლის მიერ, არავინ იცის, ამიტომ, ნორმის კონსტიტუციურობა - არაკონსტიტუციურობა არ გულისხმობს, რომ კონკრეტულ ეტაპზე არსებობს საფრთხე. საკონსტიტუციო სასამართლოს, თავისი ფუნქციებიდან გამომდინარე, არაკონსტიტუციურად ცნობს იმ ნორმებს, რომლებიც შეიცავს საფრთხეს სხვისი კონსტიტუციური უფლებების დარღვევის. ეს საფრთხე არ მოხსნილა,“ - აცხადებს ,,რუსთავი 2“-ის ადვოკატი დიმიტრი საძაგლიშვილი.

ამ პოზიციას არ ეთანხმება მოპასუხე მხარე, პარლამენტის წარმომადგენელი. მათ მიაჩნიათ, რომ ნორმები არაკონსტიტუციური არ არის და ყველა მოსამართლეს უნდა ქონდეს გადაწყვეტილების თავისუფლად მიღების საშუალება, კონკრეტულ შემთხვევებში.