რუსეთისთვის სანქციები დაწესებული არ გვაქვს, აქედან გამომდინარე შეიძლება შედგეს სავაჭრო ურთიერთობები - კობახიძე

რუსეთისთვის სანქციები დაწესებული არ აქვს საქართველოს, სავაჭრო ურთიერთობების ფარგლებში, ბუნებრივია, შეიძლება, შედგეს ნებისმიერი ურთიერთობა, - ამის შესახებ "ქართული ოცნების" თავმჯდომარე, ირაკლი კობახიძემ განაცხადა.

მისი თქმით, უკრაინას ხელისუფლების მხრიდან აქვს 100%-იანი მხარდაჭერა პოლიტიკური და ჰუმანიტარული თვალსაზრისით.

"ჩვენი პოზიცია არის ნათელი - რაც შეეხება პოლიტიკურ მხარდაჭერას, ჰუმანიტარულ მხარდაჭერას, ვაკეთებთ 100%-ს უკრაინისთვის, მისი ტერიტორიული მთლიანობისა და სუვერენიტეტის მხარდასაჭერად და რუსეთის აგრესიის დაგმობის კუთხით. ეს არის 100%-იანი მხარდაჭერა - პოლიტიკური და ჰუმანიტარული.

რაც შეეხება სანქციებს, ამასთან დაკავშირებით ძალიან მკაფიო განმარტებები მოისმინა საზოგადოებამ. შესაბამისად, თუ საქმე ეხება სანქციებს, ამაზე პოზიცია ნათელია, რაც შეეხება სანქციების გვერდის ავლას, ამაზეც ჩვენი პოზიცია არის აბსოლუტურად ნათელი. არავინ არავის არ ეხმარება, რაც შეეხება სავაჭრო ურთიერთობებს რუსეთთან და რუსეთის წარმომადგენლებთან - გამომდინარე იქიდან, რომ სანქციები დაწესებული არ აქვს საქართველოს, სავაჭრო ურთიერთობების ფარგლებში, ბუნებრივია, შეიძლება, შედგეს ნებისმიერი ურთიერთობა", - თქვა კობახიძემ.