გაკვირვებული ვართ საქართველოში შიდა დისკუსიებით, რომელიც ეხება ომის პარტიებს და ასევე მეორე ფრონტის გახსნას, რადგან უკრაინას არ დაუწყია ომი რუსეთთან - ანდრეი კასიანოვი

ჩვენ გაკვირვებული ვართ საქართველოში შიდა დისკუსიებით, რომლებიც ეხება ომის პარტიებს და ასევე მეორე ფრონტის გახსნას, – ამის შესახებ საქართველოში უკრაინის ელჩის მოვალეობის შემსრულებელმა, ანდრეი კასიანოვმა განაცხადა.

კასიანოვმა უპასუხა ჟურნალისტების შეკითხვას, რომელიც ალექსი არისტოვიჩის განცხადებებს შეეხებოდა.

„ჩვენ გაკვირვებული ვართ საქართველოში შიდა დისკუსიებით, რომლებიც ეხება ომის პარტიებს და ასევე მეორე ფრონტის გახსნას. ჩვენ გვიკვირს, რადგან უკრაინას არ დაუწყია ომი რუსეთის ფედერაციასთან. უკრაინაში 24 თებერვლის შემდეგ სხვა პარტია არ არსებობს, არსებობს მხოლოდ გამარჯვების პარტია. ამას ყოველდღე გვიჩვენებენ უკრაინის შეიარაღებული ძალები, უკრაინის უმაღლესი რადა, უკრაინის პრეზიდენტი“.

უკრაინის პრეზიდენტის ოფისის ხელმძღვანელის მრჩეველმა, ოლექსი არესტოვიჩმა "ამერიკის ხმის" ქართულ რედაქციასთან ინტერვიუში განაცხადა, რომ საქართველოსთვის ისტორიული შესაძლებლობა შეიქმნა, რათა დაიკავოს აფხაზეთი და სამხრეთ ოსეთი.