ერევანში საპროტესტო აქციის 352 მონაწილე დააკავეს

ერევანში მიმდინარე საპროტესო აქციაზე, 18 მაისს პოლიციამ 352 ადაიანი დააკავა.

აქციის მონაწილეები მას შემდეგ დააკავეს, რაც მათ საავტომობილო გზების გადაკეტვა და მეტროპოლიტენის ბლოკირება სცადეს.

მედიის ცნობით, დაკავებულებს შორის არიან სომხეთის განათლების ყოფილი მინისტრი, რესპუბლიკური პარტიის ერთ-ერთი ლიდერ არმენ აშოტიანი, პარლამენტის ექს-სპიკერი სამველ ნიქოიანი და ყოფილი ვიცე-სპიკერი ედუარდ შარმაზანოვი.

ერევანში ოპოზიციის მიერ ორგანიზებული აქციები აპრილის შუა რიცხვებიდან გრძელდება.

საპროტესო მღელვარება სომხეთში მას შემდეგ გაღვივდა, რაც სომხეთის პრემიერ-მინისტრმა ნიკოლ ფაშინიანმა გასული თვის შუა რიცხვებში, მთიან ყარაბაღთან დაკავშირებით, ბევრისთვის მიუღებელი განცხადება გააკეთა.

ფაშინიანის განცხადებით, საერთაშორისო საზოგადოება მოუწოდებს სომხეთს, "აზერბაიჯანისთვის 7 რაიონის გადაცემას ამა თუ იმ კონფიგურაციით და მთიანი ყარაბაღის სტატუსის საკითხში თამასის დაწევას".

"დამნაშავე ვარ, რომ ხალხს არ ვუთხარი, რომ საერთაშორისო საზოგადოება ცალსახად აღიარებს აზერბაიჯანის ტერიტორიულ მთლიანობას და მოელის, რომ ჩვენც ვაღიარებთ მას, მოელის, რომ აზერბაიჯანელები, რომელთაც ყარაბაღი დატოვეს, სრულფასოვნად იქნებიან ჩართული მთიანი ყარაბაღის მომავლის განსაზღვრასა და მართვაში. დამნაშავე ვარ, რომ არ ვთვქი ცალსახად, რომ ჩვენთვის შემოთავაზებული სცენარებიც კი არ იყო მისაღები აზერბაიჯანისთვის და საერთაშორისო საზოგადოების წარმომადგენლები, ხან პირდაპირ, ხან დიპლომატიური გზით, ამბობდნენ, რომ ამ ყველაფრის სომხეთის მხარის მიერ მიღების შემთხვევაში, საჭირო იქნებოდა აზერბაიჯანის დარწმუნება, რომ ეს ყველაფერი მათაც მიეღოთ. ყველაფერი ეს ჩვენი ხალხისთვის უნდა წარმედგინა. ამაშია ჩემი ნამდვილი დანაშაული. მიწების გადაცემით, ალბათ, გადავარჩენდი ათასობით სიცოცხლეს, ხოლო არგადაცემით, ფაქტობრივად, გავხდი იმ გადაწყვეტილების ავტორი, რომელმაც ათასობით მსხვერპლამდე მიგვიყვანა“, - თქვა ნიკოლ ფაშინიანმა.