აშშ-ის მოქალაქეებს შორის, რომლებსაც რუსეთმა ქვეყანაში შესვლა აუკრძალა, 7 გარდაცვლილია ამერიკელია, მათ შორის ჯონ მაკკეინი

საქართველო, თბილისი - 13:16 | 22.05.2022

ნანახია: 769

963 ამერიკელს შორის, რომლებსაც რუსეთმა საკუთარ ტერიტორიაზე შესვლა აუკრძალა, 7 გარდაცვლილი პირია. ინფორმაციას უკრაინული მედია "ამერიკის ხმაზე" დაყრდნობით ავრცელებს.

სიაში რამდენიმე პირის გასწვრივ პირდაპირ არის მითითებული, რომ ისინი გარდაცვლილები არიან.

მედიის ცნობით, რუსეთში ჩასვლა აეკრძალათ „რესპუბლიკელ“ ყოფილ სენატორებს – ჯონ მაკკეინსა და ორინ გეთჩს, ასევე „დემოკრატ“ ყოფილ სენატორ ჰარი რიდს. ჯონ მაკკეინი 2018 წელს გარდაიცვალა, ჰარი რიდი 2021 წლის დეკემბერში, ხოლო ორინ გეთჩი კი, მიმდინარე წლის მაისში.

რუსეთში ასევე ვეღარ ჩავლენ გარდაცვლილები: ალსი ჰასტინგსი - ყოფილი კონგრესმენი (2021 წელს გარდაიცვალა); სტივენ ო’ნილი - ყოფილი მოსამართლე (2018 წელს გარდაიცვალა);
ჯერემი სივიტსი - აშშ-ის ჯარის ყოფილი რეზერვისტი (2022 წელს გარდაიცვალა); მელისა დრისკო - CIA-ს ყოფილი პირველი ვიცე-დირექტორი (2018 წელს გარდაიცვალა).

რუსეთმა ამერიკის 963 მოქალაქეს, მათ შორის პრეზიდენტ ჯო ბაიდენსა და სახელმწიფო მდივანს, ენტონი ბლინკენს რუსეთში შესვლა აუკრძალა. განცხადებას რუსეთის საგარეო საქმეთა სამინისტრო ავრცელებს.

რუსეთში ჩასვლა აეკრძალა აშშ-ის ვიცე-პრეზიდენტს კამალა ჰარისს, თავდაცვის მდივან ლოიდ ოსტინსა და ცენტრალური სადაზვერვო სააგენტოს (CIA) ხელმძღვანელს უილიამ ბარნსს და მრავალ სხვა ოფიციალურ პირს. უწყების ცნობით, სიაში მოხვედრილ ამერიკელებს რუსეთის ფედერაციაში შესვლა სამუდამოდ ეკრძალებათ.