ადვოკატის თქმით, ცოლის მკლელობისთვის დაკავებული მომხდარ ფაქტს ვერ იხსენებს

გურამიშვილის გამზირზე , ავტობუსში ცოლის მკვლელობისთვის დაკავებულ როინ მებონიას ადვოკატი ამბობს, რომ მისიდაცვის ქვეშ მყოფი მომხდარ ფაქტს ვერ იხსენებს.

მისი თქმით, საჭიროა, დაინიშნოს ექსპერტიზა დაკავებულის ჯანმრთელობასთან დაკავშირებით.

„გაოგნებულია მომხდარით, ფაქტების აღდგენას ვერ ახერხებს, სავარაუდოდ, უნდა ჰქონდეს ჯანმრთელობის პრობლემა. რომ უთხრეს, რისთვისაც დააკავეს, გაოგნებულია, აქვს სერიოზული ჯანმრთელობის პრობლემა. შესამოწმებელია ჯანმრთელობის მდგომარეობა, მოვითხოვთ, რომ ექსპერტიზა დაინიშნოს და შემოწმდეს ამ ადამიანის ფსიქოლოგიურ, ფსიქიატრიული მდგომარეობა. უნდა შემოწმდეს მისი ჯანმრთელობის მდგომარეობა, ამის ვალდებულება აქვს ბრალდების მხარეს და ამ ვალდებულებას შეასრულებს. აღკვეთ ღონისძიებას რაც შეეხება, ბრალდება მოითხოვს პატიმრობას და დიდი ალბათობით დავეთანხმებით, ჯანმრთელობის მდგომარეობიდან და ამ საქმეზე მისი დამოკიდებულებიდან გამომდინარე“, – განაცხადა ადვოკატმა სულხან კომახიძემ.

სასტიკი მკვლელობა თბილისში  გუშინ საზოგადოებრივ ტრანსპორტში მოხდა. მებონიამ მეუღლეს, 27 წლის სოფო კვარაცხელიას სასიკვდილო ჭრილობები მცირეწლოვანი შვილების თვალწინ მიაყენა. ბრალდებულს 13-დან 17 წლამდე პატიმრობა ემუქრება.