ბრიტანული მედიის ცნობით, პუტინი მოკვდა და კრემლმა ის ორეულით შეცვალა

ბრიტანული მედიის ცნობით, რუსეთის პრეზიდენტი ვლადიმირ პუტინი ან უკვე მოკვდა, ან უახლოეს ხანებში მოკვდება. მედიის ინფორმაციით, პუტინი ორეულით შეცვალეს, კრემლი კი მის სიკვდილს კიდევ დიდხანს დამალავს. ამის შესახებ  Daily Star -ი ბრიტანეთის დაზვერვაზე დაყრდნობით იუწყება.

გამოცემის ინფორმაციით, ბრიტანეთის დაზვერვაში ლაპარაკობენ რუსი დიქტატორის სერიოზულ დაავადებაზე. თუ პუტინი უკვე მკვდარია, მისი გარემოცვის წევრები უბრალოდ ცდილობენ ეს მსოფლიოს დაუმალონ, რადან სურთ ხელისუფლებაში დიდხანს დარჩნენ.

წყარომ Daily Star-ს აცნობა, რომ პუტინის გამოსვლები, შესაძლოა, მანამდე იყოს ჩაწერილი. ამის გარდა, ღონისძიებებს, მათ შორის 9 მაისს გამართულ აღლუმს, სავარაუდოდ, პუტინის ორეული ესწრებოდა.

 „პუტინი ძლიერ ავად არის და როდესაც ის მოკვდება, მის სიკვდილს რამდენიმე კვირის, არა თუ თვეების განმავლობაში დამალავენ... ასევე არსებობს ვარაუდი, რომ ის უკვე მოკვდა. ამის გაგება შეუძლებელია. მიჩნეულია, რომ პუტინი ორეულს იყენებდა, როდესაც ავად იყო და კრემლმა, შესაძლოა, ეს ახლაც გააკეთოს“, - განუცხადა წყარომ გამოცემას.

ასევე იუწყებიან, რომ პუტინის გარემოცვის წევრები ძალიან შიშობენ, რომ დიქტატორის გარდაცვალების შემთვევაში კრემლში დაიწყება გადატრიალება, რუსი გენერლები კი უკრაინაში საომარი მოქმედებების დასრულებას გადაწყვეტენ.

 „პუტინის სიკვდილი მათ უმწეოებს და დაუცველებს გახდის, ამიტომ ისინი სასიცოცხლოდ დაინტერესებულნი არიან, რომ პუტინი ცოცხალი იყოს, თუმცა სინამდვილეში ყველაფერი, შესაძლოა, სხვაგვარად იყოს“, - აღნიშნა გამოცემის წყარომ.