ადელმა Brit Awards-ის ოთხი პრემია მიიღო

ლონდონში Brit Awards-ის გამარჯვებული ადელი გახდა, რომელმაც ოთხ მთავარ ნომინაციაში გაიმარჯვა. ადელი გახდა წლის საუკეთესო სოლო შემსრულებელი და მას გადაეცა ჯილდო წლის საუკეთესო ალბომისთვისაც.

ჯილდო აიღო ჯგუფმა ქოულდპლეიმ, რომელიც წლის საუკეთესო ბრიტანულ ჯგუფად აღიარეს. მამაკაცებს შორის წლის საუკეთესო მომღერლის სტატუსი კრის ბეის მიანიჭეს.

Brit Awards-ის დაჯილდოების ცერემონიაზე განსაკუთრებული პატივი მიაგეს დეივიდ ბოუის ხსოვნას. სცენაზე მისი მეგობრები - ენი ლენოქსი და გარი ოლდმანი მიიწვიეს და ბოუისთვის განკუთვნილი ჯილდო გადასცეს.