საფრანგეთმა ესტონეთში მოულოდნელი სამხედრო წვრთნები გამართა

საფრანგეთის შეიარაღებულმა ძალებმა ესტონეთში მოულოდნელი წვრთნები გამართა. ამის შესახებ საფრანგეთის თავდაცვის სამინისტრომ განაცხადა. უწყების ინფორმაციით, საფრანგეთმა ბალტიის ქვეყანაში 100-ზე მეტი მედესანტე გაგზავნა.

სადესანტო ოპერაციამ, რომელმაც Thunder Lynx-ის სახელწოდება მიიღო, „შესაძლებლობა მოგვცა გადაგვესხა 100 ათასამდე მედესანტე საფრანგეთის მე-11 საჰაერო სადესანტო ბრიგადიდან ტერიტორიაზე, რომელსაც ესტონელი ჯარისკაცები იცავენ“, - ნათქვამია განცხადებაში.

ესტონეთში ნაჩქარევად ორგანიზებული წვრთნები, ჩატარდა უკრაინაში რუსეთის შეჭრის ფონზე სტრატეგიული სოლიდარობის დემონსტრირებისთვის.

„სადესანტო ოპერაცია ილუსტრირებას ახდენს საფრანგეთის შეიარაღებული ძალების შესაძლებლობას ჩაერიოს საგანგებო მდგომარეობის შემთხვევაში და მხარი დაუჭიროს მოკავშირე ქვეყანას“, - აღნიშნულია საფრანგეთის თავდაცვის სამინისტროს განცხადებაში.

საფრანგეთი გახდა ერთ-ერთი პირველი ქვეყანა, რომელმაც უკრაინაში რუსეთის სასტიკი შეჭრის შემდეგ თავისი ჯარები ევროპის აღმოსავლეთ ფლანგზე გაგზავნა.

საფრანგეთმა რუმინეთში გაგზავნა 500-მდე სამხედრო ნატო-ს სწრაფი რეაგირების ძალების შემადგენლობაში და წარმოადგენს საკვანძო მოთამაშეს ნატო-ს ძალების გაძლიერებაში ალიანსის აღმოსავლეთ ფლანგზე.