აბსურდული გადაწყვეტილებები მიღებული არ იქნება. პირიქით, ახლა არის უფრო მეტად კონსოლიდაციის დრო - ირაკლი ქადაგიშვილი

აბსურდული გადაწყვეტილებები მიღებული არ იქნება. პირიქით, ახლა არის უფრო მეტად კონსოლიდაციის დრო და უფრო მეტი ლიდერობის დრო, - ამის შესახებ "ქართული ოცნების" წევრმა, ირაკლი ქადაგიშვილმა მოძრაობის "შინ ევროპისკენ" მოწოდებებთან დაკავშირებით განაცხადა.

მისი თქმით, მოძროაბის მოთხოვნები არაკონსტიტუციურია და ხელისუფლება მათ შესრულებას არ აპირებს.

"რაც აქციაზე იქნა გაჟღერებული, არის აბსოლუტურად არაკონსტიტუციური და არ ჯდება იმ სულისკვეთებაში, რა სულისკვეთებაც დღეს უკვე ევროსაბჭოს გადაწყვეტილებით არის საქართველოს მიმართებაში. გამომდინარე აქედან არანაირი, ასე ვთქვათ, აბსურდული გადაწყვეტილებები მიღებული არ იქნება. და, პირიქით, ახლა არის უფრო მეტად კონსოლიდაციის დრო და უფრო მეტი ლიდერობის დრო", - თქვა ქადაგიშვილმა.

24 ივნისს გამართულ აქციაზე მოძრაობამ "შინ ევროპისკენ" ხელისფლების მიმართ მოთხოვნები გამოაცხადა: გადადგეს პრემიერ-მინისტრი ირაკლი ღარიბაშვილი და ეროვნული თანხმობით, შეიქმნას მთავრობა, რომელიც ევროკავშირის რეკომენდაციის 12-ვე პუნქტს შეასრულებს.

მოძროაბამ შემდეგი აქცია 3 ივლისს დააანონსა.