პრობლემა კობახიძე კი არაა - ის კაცი, ვინც მას ლამის ქვეყანას ამართვინებს და ის ხალხი, ვისაც ეს ნორმალურად მიაჩნია - გიორგი თარგამაძე

ტელეკომპანია "ფორმულას" ერთ-ერთი ხელმძღვანელი გიორგი თარგამაძე სოციალურ ქსელში ეხმიანება "ქართული ოცნების" თავმჯდომარის ირაკლი კობახიძის მიერ "მთავარი არხის" ჟურნალისტის შეურაცხმყოფელ მიმართვას.

"რა ზრდილობა? რა კულტურა? რა მედიასთან პოლიტიკოსის ქცევის ეთიკა? რა მამაკაცის ქალთან დამოკიდებულების ქართული ლეგენდა?... დიდი პრობლემა გვაქვს კარგა ხანია. ოღონდ პრობლემა კობახიძე კი არაა - ის კაცი, ვინც მას ლამის ქვეყანას ამართვინებს და ის ხალხი ვისაც ეს ნორმალურად მიაჩნია...", - წერს თარგამაძე.

ირაკლი კობახიძე მთავარი არხის შეკითხვამ გააღიზიანა. ჟურნალისტმა მას სთხოვა, შეეფასებინა დავით არახამიას გუშინდელი განცხადება იმაზე, რომ "კობახიძის მამა "კაგებეშნიკია", რის შემდეგაც კობახიძემ ჟურნალისტს მიმართა: "ქალის სახე დაკარგე, პირი მოიწმინდე, სამარცხვინო, როგორც არახამია არ არის კაცი, ისე შენ არ ხარ ქალი".