ყირიმის ხიდის აფეთქება პუტინს ძლიერ დარტყმას მიაყენებს - ბრიტანეთის დაზვერვა

დიდი ბრიტანეთის დაზვერვა მორიგ მომოხილვაში აღნიშნავს, რომ ყირიმის ხიდის შესაძლებლობების ნებისმიერი სერიოზული რღვევა, სავარაუდოდ, მნიშვნელოვან გავლენას მოახდენს რუსეთის ისედაც შეზღუდულ შესაძლებლობებზე, დაეხმაროს თავის ჯარს სამხრეთ უკრაინაში.

უწყების განცხადებით, ყირიმის ხიდის სარკინიგზო გადასასვლელი სატვირთო გადაზიდვებისთვის მხოლოდ 2020 წლის ივნისში გაიხსნა, თუმცა მან „საკვანძო როლი შეასრულა სამხრეთის ფრონტზე მძიმე სამხედრო ტექნიკის გადატანაში უკრაინაში რუსეთის შეჭრის დროს.  

„ეს ინციდენტი, სავარაუდოდ, ძლიერ დარტყმას მიაყენებს პუტინს. ის {აფეთქება} მისი {პუტინის} 70 წლის იუბილეს შესრულებიდან რამდენიმე საათში მოხდა. ხიდი მან პირადად დააფინანსა და გახსნა, მშენებლობის კონტრაქტორი კი მისი ბავშვობის მეგობარი არკადი როტენბერგი იყო“, -აღნიშნავენ ბრიტანეთის დაზვერვაში.

ამის გარდა, ბოლო თვეებში რუსეთის ეროვნული გვარდიის მეთაური ვიქტორ ზოლოტოვი, რომელიც წარსულში პუტინის მცველი იყო, საჯაროდ ირწმუნებოდა ყირიმის ხიდის უსაფრთხოების შესახებ.

როგორც ცნობილია, შაბათს, 8 ოქტომბერს აფეთქების შედეგად ჩამოინგრა ყირიმის ხიდი, რომელიც ანექსირებულ ყირიმს რუსეთის კრასნოდარის მხარესთან აკავშირებს.