დეოლიგარქიზაციის კანონპროექტს მხარს არ ვუჭერ, საქართველოს რეალობას არ შეესაბამება - ლევან იოსელიანი

პარლამენტის ვიცე-სპიკერის ლევან იოსელიანის განცხადებით, „დეოლიგარქიზაციის შესახებ“ კანონპროექტს მხარს არ უჭერს, მისი განმარტაებით კანონი უკრაინის რეალობაზეა მორგებული და ის საქართველოს რეალობას არ შეესაბამება. ამის შესახებ ლევან იოსელიანი საქართველოს პირველ არხს ესაუბრა.

„ამ კანონპროექტს მხარს არ ვუჭერ. უკრაინის რეალობაზე მორგებული კანონია, რომელიც მძიმე-წერტილით არის გადმოთარგმნილი ქართულად და საქართველოს რეალობას არ შეესაბამება. ევროკომისიას არ უთქვამს, რომ რაღაც კანონი უნდა გადმოაკოპიროთ, რომელიც საქართველოს რეალობასთან კავშირში არ არის. იქ სულ სხვა რამეზეა საუბარი. ჩემთვის გაუგებარია ასეთი კოპირება, რომელიც არც ოპოზიციისთვის არის მოსაწონი და მმართველი გუნდი მაინც მხარს უჭერს“, – განაცხადა ლევან იოსელიანმა.

პარლამენტმა „დეოლიგარქიზაციის შესახებ“ კანონპროექტი პირველი მოსმენით მიიღო.