სააკაშვილის ერთ-ერთი დიაგნოზი დემენციაა, დაუდგინდა ტუბერკულიოზის ჩხირიც - ხაჭაპურიძე

დემენცია ერთი კი არა, ერთ-ერთია იმ ჩამონათვალიდან, რაც მიხეილ სააკაშვილს დიაგნოზებში აქვს. დღეს კი მას ტუბერკულიოზის ჩხირი დაუდგინდა, - ამის შესახებ ექსპრეზიდენტ მიხეილ სააკაშვილის ადვოკატმა, შალვა ხაჭაპურიძემ Georgian Times-ის ეთერში განაცხადა.

"დემენცია ერთი კი არა, ერთ-ერთია იმ ჩამონათვალიდან, რაც მიხეილ სააკაშვილს დიაგნოზებში აქვს. დღეს კი მას ტუბერკულიოზის ჩხირი დაუდგინა. თქვენ რას ფიქრობთ, რომ სააკაშვილი საქართველოში ტუბერკულიოზით შემოვიდა? მე მეეჭვება. მის ტუბერკულიოზზე პასუხი 1 საათის წინ გერმანელებისგან მომივიდა. კლინიკა ვივამედამდე ის რუსთავის ციხეში, გლდანის მე-18 დაწესებულებასა და გორის ჰოსპიტალში იმყოფებოდა, არ ვიცი, კონკრეტულად სად დაემართა. თუმცა, ეს პასუხი გერმანიიდან 1 საათის წინ ჩამოვიდა. თვითონ ეს ჯერ არც იცის, მე ამას საჯაროდ ახლა პირველად ვამბობ", - თქვა ხაჭაპურიძემ.