ხერსონში აბსოლუტურად ყველა მნიშვნელოვანი კრიტიკული ობიექტი დანაღმულია - ზელენსკი

ხერსონში აბსოლუტურად ყველა მნიშვნელოვანი კრიტიკული ობიექტი დანაღმულია,- ამის შესახებ უკრაინის პრეზიდენტმა ვოლდიმირ ზელენსკიმ ვიდეომიმართვისას განაცხადა.

მისი თქმით, როდესაც არის უკრაინის დროშა, არის ცივილიზაცია, თავისუფლება, რუსლი დროშა კი ნიშნავს სრულ განადგურებას.

„როდესაც არის უკრაინის დროშა, არის ცივილიზაცია, არის თავისუფლება, არის სოციალური უზრუნველყოფა, არის ინფრასტრუქტურა, უსაფრთხოება, არიან ადამიანები, რომლებიც ზრუნავენ ხალხზე, არის ყველაფერი, რაც ქრება და რაც ნადგურდება, როდესაც მოდის ოკუპანტი, აი, რას ნიშნავს რუსეთის დროშა - სრულ განადგურებას. არ არის არც ელქტროენერგია, არც კავშრი, არც ინტერნეტი, არც ტელევიზია. ოკუპანტებმა ყველაფერი გაანადგურეს - განგებ, აი მათი სპეცოპეარცია. ზამთრის დადგომამდე რუსმა ოკუპანტებმა ხალხს გაუნადგურეს აბსოლუტურად მთელი კრიტიკული ინფრასტრუქტურა, ქალაქში და ოლქში აბსოლუტურად ყველა მნიშვნელოვანი ობიექტი დანაღმულია“, - განაცხადა უკრაინის პრეზიდენტმა.

მან აღნიშნა, რომ ყველა ბედნიერი იქნება, როდესაც რუსების განდევნას შეძლებენ.

„ბედნიერება იქნება ჩვენს ქალაქებსა და თემებში, რომლებიც რუსეთის გამო 24 თებერვლისა და 2014 წლის შემდეგ ნორმალურ ცხოვრებას მოკლებულნი არიან. ჩვენ ყველაფერს დავიბრუნებთ, დავიბრუნებთ ნორმალურ ცხოვრებას. და ვიცით, რომ ახლა უკრაინისთვის, მთელი ჩვენი ქვეყნისთვის მშვიდობა ახლოს არის,“, - განაცხადა ზელენსკიმ.