რუსეთში 11 ათასი უკრაინელი ბავშვია დეპორტირებული - ვოლოდიმირ ზელენსკი

უკრაინის პრეზიდენტ ვოლოდიმირ ზელენსკის ინფორმაციით, რუსეთში ოკუპანტებმა 11 ათასი უკრაინელი ბავშვი გაიყვანეს.

 „განვიხილეთ როგორ შევაჩეროთ რუსეთში უკრაინელი ბავშვების დეპორტაცია და დავაბრუნოთ სახლში ყველა ის ბავშვი, ვინც ძალის გამოყენებით გაიყვანეს. სულ მცირე 11 ათასი ბავშვია - ჩვენ ყველას ვინაობა ვიცით. მაგრამ ეს მხოლოდ ისაა, რაც ჩვენ ვიცით“, - თქვა ზელენსკიმ.

აღნიშული მონაცემები გაჟღერდა უკრაინის საბჭოს საკოორდინაციო სხდომაზე ბავშვთა დაცვისა და უსაფრთხოების საკითხებთან დაკავშირებით, რომელიც გაეროს გენერალური მდივნის ანტონიუ გუტერეშის თანათავმჯდომარეობით გაიმართა.

სხდომაში მონაწილეობა მიიღეს წამყვანი ქვეყნების ელჩებმაც. „იმისთვის, რომ დავიბრუნოთ ყველა დეპორტირებული, ჩვენ ნამდვილად მთელი მსოფლიოს ძალა დაგვჭირდება“, - აღნიშნა უკრაინის პრეზიდენტმა.