რუსული აგრესიის დაწყებიდან უკრაინაში 6 595 მშვიდობიანი მოქალაქე დაიღუპა - გაერო

გაეროს მონაცემებით, უკრაინაში რუსული აგრესიის დაწყებიდან სულ მცირე 6 595 მშვიდობიანი უკრაინელი დაიღუპა, 10 189 მოქალაქე კი დაიჭრა.

როგორც გაეროს ანგარიშშია ნთქვამი, სამოქალაქო პირების უმეტესობა მძიმე არტილერიისა და ზალპური ცეცხლის რაექტიული სისტემებით განხორციელებული დაბომბვების, ასევე სარაკეტო და ავიადარტყების შედეგად დაიღუპა ან დაიჭრა.

დაღუპულთა შორის 2 5785 კაცი, 1 7867 ქალი, 172 გოგონა და 206 ბიჭია, ასევე 37 ბავშვისა და 1 838 ზრდასრულის სქესის დადგენა ვერ მოხერხდა.

ნოემბრის დასაწყისიდან უკრაიანში 95 ადამიანი დაიღუპა, 305 კი დაიჭრა.

დონეცკისა და ლუჰანსკის რეგიონებში ყველაზე მეტი - 3 939 ადამიანი დაიღუპა.

გაეროში აღნიშნავენ, რომ დაღუპულთა რეალური რაოდენობა, შესაძლოა, გაცილებით მეტი იყოს, რადგან საომარი მოქმედებების ადგილიდან ზუსტი ინფორმაცია დაგვიანებით ან საერთოდ არ ვრცელდება. საუბარია მარიუპოლზე, ლისიჩანსკზე, პოპასნიასა და სევეროდონეცკზე, სადაც მშვიდობიან მოსახლეობას შორის მრავალრიცხოვანი მსხვერპლის შესახებ იუწყებიან.

უკრაინის გენერალური პროკურატურის ინფორმაციით, რუსეთის აგრესიის დაწყებიდან უკრაინაში 8 300-ზე მეტი მშვიდობიანი მოქალაქე დაიღუპა, 11 ათასზე მეტი კი დაიჭრა.