„ნაციონალური მოძრაობის“ დეპუტატები, დავით კირკიტაძე, ანა წითლიძე და აბდულა ისმაილოვი შიმშილობას იწყებენ

„ნაციონალური მოძრაობის“ დეპუტატები, დავით კირკიტაძე, ანა წითლიძე და აბდულა ისმაილოვი შიმშილობას იწყებენ.

ამის შესახებ დავით კირკიტაძემ რამდენიმე წუთის წინ, ბრიფინგზე განაცხადა.

მისივე თქმით, აღნიშნულ პოლიტიკურ აქტთან დაკავშირებით ფრაქციის შიგნით აზრთა სხვადასხვაობა იყო.

"დღეს, მე და ჩემმა მეგობრებმა, მიუხედავად ფრაქციაში არსებული აზრთა სხვადასხვაობისა, მივიღეთ გადაწყვეტილება, რომ მიხეილ სააკაშვილის გადაყვანამდე იმ ქვეყანაში, სადაც მისი ჯანმრთელობა იქნება უზრუნველყოფილი, ვაცხადებთ შიმშილობას. ამ პოლიტიკურ აქტთან დაკავშირებით იყო აზრთა სხვადასხვაობა ფრაქციის შიგნით, მაგრამ ჩვენ მივიღეთ ეს გადაწყვეტილება. ღრმად ვარ დარწმუნებული, რომ ეს პოლიტიკური აქტი იქნება მზარდი, იქნება პარლამენტის კედლებში და იქნება პარლამენტის კედლებს გარეთაც," განაცხადა დავით კირკიტაძემ.