მსოფლიოს 2022 წლის ჩემპიონატის საუკეთესო ბომბარდირი კილიან მბაპე გახდა

საქართველო, თბილისი - 23:31 | 18.12.2022

ნანახია: 1369

მსოფლიოს 2022 წლის ჩემპიონატის საუკეთესო ბომბარდირი საფრანგეთის ნაკრებისა და პსჟ-ს ფეხბურთელი კილიან მბაპე გახდა, რომელმაც არგენტინასთან შეხვედრაში ჰეთ-თრიკი შეასრულა და 8 გოლი მოუგროვდა.

მსოფლიოს 2022 წლის ჩემპიონატის საუკეთესო ფეხბურთელი ლიონელ მესი გახდა და ამას, ალბათ, ყველა ელოდა.

მსოფლიოს პირველობის საუკეთესო მეკარის პრიზი არგენტინის ნაკრების 30 წლის გოლკიპერმა ემილიანო მარტინესმა ჩაიბარა.

მუნდიალის საუკეთესო ახალგაზრდა მოთამაშედ 21 წლის ნახევარმცველი ენცო ფერნანდესი აღიარეს, რომელმაც შვიდ მატჩში გოლი და საგოლე პასი მიითვალა.