პენიტენციური სამსახურის წარმომადგენელი აცხადებს, რომ შესვენების შემდეგ, მიხეილ სააკაშვილმა სასამართლო სხდომაზე დისტანციურად ჩართვაზე უარი განაცხადა

სასამართლო პროცესზე შესევნების შემდეგ, მიხეილ სააკაშვილმა დისტანციურად ჩართვაზე უარი განაცხადა.

როგორც პენიტენციური სამსახურის წარმომადგენელი აცხადებს, მიხეილ სააკაშვილს თავად აღარ სურდა, რომ სხდომაზე ჩართულიყო.

სხდომაზე შესვენების გამოცხადებამდე ხარვეზი ჰქონდა კომუნიკაციის დამყარებას, რის შემდეგაც პროცესზე რამდენიმეწუთიანი შესვენება გამოცხადდა.

„მომწერეს, რომ პრობლემა მოგვარებულულია, მაგრამ მსჯავრდებულმა უარი განაცხადა ჩართვაზე“, – აღნიშნა პენიტენციური სამსახურის წარმომადგენელმა.

ამასთან ექსპრეზიდენტის ადვოკატმა თქვა, რომ სხდომის მიმდინარეობისას მიხეილ სააკაშვილი შეუძლოდ გახდა, მასთან ექიმის მისვლა გახდა საჭირო და ამ ეტაპზე ის დისტანციურად ჩართვას ვერ შეძლებს.

"ბატონი მიხეილის საკანში იმყოფება ჩემი კომპანიის ადვოკატი, რომელიც ახლახან დამიკავშირდა და თქვა, რომ ბატონმა მიხეილმა ცუდად იგრძნო თავი, გახდა ცუდად, აქედან გამომდინარე, ექიმიც იქნა გამოძახებული და ამ ეტაპზე უარს აცხადებს ჩართვაზე, მაგრამ თუ პენიტენციური სამსახური მოახერხებს, ჩართავს, შეიძლება სიტუაცია გაუმჯობესდეს და ჩაერთოს პროცესში",- თქვა შალვა ხაჭაპურიძე.