ზურა ჯაფარიძემ შეწყვიტა ფიქრი გაერთიანებაზე, მაგრამ „სტრატეგია აღმაშენებელს“ არ შეუწყვეტია - პაატა მანჯგალაძე

ზურაბ ჯაფარიძემ შეწყვიტა ფიქრი ოპოზიციურ გაერთიანებაზე, მაგრამ „სტრატეგია აღმაშენებელს“ არ შეუწყვეტია, – ამის შესახებ „სტრატეგია აღმაშენებლის“ წევრმა პაატა მანჯგალაძემ განაცხადა.

„ზურა ჯაფარიძემ შეწყვიტა ფიქრი, მაგრამ „სტრატეგია აღმაშენებელს“ არ შეუწყვეტია, რომ, ამ სამეულის გარდა, კიდევ მოვიზიდოთ ბევრი ადამიანი, ბევრი თანამებრძოლი იყოს ამ პროცესში. ზურა ასე ფიქრობს მთელი რიგი მოვლენებიდან გამომდინარე, ჩვენ იმედს ვიტოვებთ, რომ შევძლებთ, შევქმანთ ცენტრი, რომელიც იქნება ხელისუფლების რეალური ალტერნატივა.

ძალიან მომწონს ის ადამიანები, რომელებთან ერთადაც დავიწყეთ თემატური თანამშრომლობა, მაგალითად, დავაანონსეთ 24 თებერვლის აქცია, ზეპარტიული აქცია, უკრაინის სოლიდარობის, ევროპული კურსის მხარდაჭერის, ჩვენი გმირი ბიჭების გამხნევების აქცია. აქ ვინც იყვნენ წარმოდგენილნი, ასამდე საზოგადოებისთვის ცნობილი ადამიანია, ასე ვერ დავაკონკრეტებ, შეიძლება, ვინმე გამომრჩეს, მაგრამ ამ ადამიანებს და ასეთ კარგ ადამიანებს მოვიაზრებთ პროცესში“, – განაცხადა მანჯგალაძემ.

გირჩი-მეტი თავისუფლებას ლიდერმა, ზურაბ ჯაფარიძემ თქვა, რომ "დიდი ოპოზიციური ერთობის" საკითხს 2024 წელს დაუბრუნდებიან.