ეჭვიც აღარავის ეპარება, რომ ესენი პუტინის ბრძანებით მკლავენ - მიხეილ სააკაშვილი

მიხეილ სააკაშვილი "ვივა მედიდან" წერილს ავრცელებს და ამბობს, რომ უკვე მსოფლიოს არცერთ სერიოზულ მედიაში, ასევე სხვადასხვა ქვეყნის მთავრობებში ეჭვი აღარ ეპარებათ, რომ მას პუტინის ბრძანებით კლავენ.

მისი თქმით, "ქართულ ოცნებას" გადაწყვეტილი აქვს პუტინს პირდაპირ და დამალვის გარეშე ასიამოვნოს. მიხეილ სააკაშვილი მადლობას უხდის ყველას ვინც სასამართლოსთან, აქციებზე და საავადმყოფოში მის მხარდასაჭერად მიდიოდა. 

ის წერს, რომ ახლა გაბრაზების დროა და არა გულის გატეხვის.

"როგორც მოსალოდნელი იყო რუსების ნამესტნიკები ჯერ აჭიანურებდნენ ჩემს პროცესს იმ იმედით, რომ მე ბოლომდე ვერ მივაღწევდი, მაგრამ ახლა იმხელა ქარიშხალი წამოვიდა მთელი მსოფლიოდან, რომ დაჩქარდნენ. უკვე მსოფლიოს არცერთ სერიოზულ კაბინეტში და არცერთ სერიოზულ მას.მედიაში ეჭვიც აღარავის ეპარება, რომ ესენი პუტინის ბრძანებით მკლავენ და ახლა გადაწყვიტეს, რომ თამაშს აზრი არა აქვს, დასავლეთს ვეღარ ატყუებენ და პირიქით, უზარმაზარი ზეწოლის ქვეშ არიან. უკრაინა ერთ ამბავშია და გადაწყვიტეს, რომ პუტინს ასიამოვნონ პირდაპირ და ყოველგვარი დამალვის გარეშე.

დიდი მადლობა ყველას, ვინც ეს თვეები მიტინგებზე გამოდის, ვინც სასამართლოსთან მოდიოდა, ვინც საავადმყოფოსთან ათევს ღამეებს. ახლა გულის გატეხვის კი არა, გაბრაზების დროა. ჩვენ ამ ომს ვიგებთ და აუცილებლად საქართველოსაც ეშველება", - წერს მიხეილ სააკაშვილი.