„სრულიად დეგრადირებული უნდა იყო, რომ ასეთი განცხადება გააკეთო, როცა ამ ქვეყნის პრემიერმინისტრი გქვია, ასეთ დღესათან დაკავშირებით განცხადებაში არ ახსენო მტერი, ვინც მაშინ დაგვანგრია და ათწლეულობით ჯოჯოხეთში მოახვედრა ჩვენი ქვეყანა, წაგვართვა სახელმწიფოებრიობა და ვინც დღესაც ჩვენი მტერი, ოკუპანტია და უნდა ჩვენი განადგურება, მაშინ სტალინისტურ-ლენინისტური საბჭოთა რუსეთი, დღეს პუტინისტური რუსეთი, როგორიც ის იყო და არის დღეს,“ - ასე ეხმაურება „ევროპული საქართველოს“ თავმჯდომარე, გიგა ბოკერია ღარიბაშვილის მიერ გაკეთებულ განცხადებას.

„არ ახსენებს ამას და თან იძახის, რომ ამ მოვლენამ შეცვალა ქვეყნის განვითარებაო, ასე აფასებს ამ ყველაფერს, ეს განცხადებაც კი საკმარია, სხვა რომ არაფერი არ ვიცოდეთ, რომ მივხვდეთ როგორი სამარცხვინო, პუტინისტური სულისკვეთების მქონე რეჟიმი ჰყავს თავს მოხვეული ჩვენთვის ივანიშვილის ღარიბაშვილის სახით“ - განაცხადა გიგა ბოკერიამ.