სისხლის სამართლის საერთაშორისო სასამართლოს მიერ ვლადიმირ პუტინის დაკავების ორდერის გაცემამდე დიდი ხნით ადრე უკრაინა მიხვდა, რომ რუსეთის პრეზიდენტთან მოლაპარაკებებს აზრი არ ჰქონდა. ამის შესახებ უკრაინის საგარეო საქმეთა მინისტრმა დმიტრო კულება გამოცემა  Politico-თან ინტერვიუში განაცხადა.

„ჩვენ სისხლის სამართლის საერთაშორისო სასამართლოს მიერ დაპატიმრების ორდერის გაცემამდე დიდი ხნით ადრე ვიცოდით, რომ პუტინთან მოლაპარაკებებს აზრი არ ჰქონდა. გასული წლის 30 სექტემბერს უკრაინის ეროვნული უსაფრთხოებისა და თავდაცვის საბჭომ მიიღო იურიდიული რეზოლუცია, რომელშიც ნათქვამია, რომ ვლადიმირ პუტინთან ნებისმიერი მოლაპარაკება შეუძლებელია რუსეთის მდელობის პასუხად უკრაინის დამატებითი ტერიტორიების ანექსირება მოეხდინა {2022 წლის 23-27 სექტმბერს რუსეთმა ე.წ. რეფერენდუმები ჩაატარა უკრაინის ოთხი რეგიონის ოკუპირებულ ტერიტორიებზე}“, - განაცხადა კულებამ.

ამასთან, კულებამ აღნიშნა, რომ უკრაინა არ უარყოფს თავად მოლაპარაკების იდეას, თუმცა არ ეთანხება წინადადებას, რომ პირადად პუტინთან საუბარმა შესაძლებელია უზრუნველყოს მშვიდობა.

„უკრაინას მშვიდობიანი დარეგულირების უამრავი მცდელობა ჰქონდა. 2022 წლის 24 თებერვლამდე საფრანგეთისა და გერმანიის შუამავლობით უკრაინამ გამართა მოლაპარაკებათა 88 რაუნდი 2019 წელს ზელენსკის პრეზიდენტად არჩევის შემდეგ. რუსეთმა გაფლანგა ყველა ეს მცდელობა და აირჩია ბარბაროსული, გენოციდური, დამპყრობლური ომი“, - განაცხადა მინისტრმა.

მისივე თქმით, უკრაინა უშედეგოდ ცდილობდა რუსეთთან საერთო ენის გამონახვას 24 თებერვლის შემდეგაც. „ამის ნაცვლად რუსეთმა გააძლიერა სასტიკი თავდასხმები და განაცხადა უკრაინის დამატებითი ტერიტორიების ანექსიის განზრახვის შესახებ. პრზიდენტმა ზელენსკიმ მკაფიოდ განმარტა, რომ თუ პუტინი გააგრძელებდა ანექსიის მცდელობას, მასთან მოლაპარაკება შეუძლებელი იქნებოდა“, - განაცხადა კულებამ.

„პუტინი ყველაფერს უგულებელყოფს. მას სურს მეტი ომი, მეტი უკრაინელი ბავშვის გატაცება, მეტი მოკლული უკრაინელი, მეტი უკრაინული მიწის დაპყრობა, როგორ უნდა ებრძოლო ასეთ ბოროტებას? ის ძალის გამოყენებით უნდა გატეხო“,- თქვა კულებამ.

ამასთან, მან აღნიშნა, რომ უკრაინას აქვს მშვიდობის დამყარების თავისი ხედვა, რომელიც მოცემულია ზელენსკის მიერ წარმოდგენილ 10-პუნქტიან „სამშვიდობო ფორმულაში“.