უკრაინა შორს არის ევროკავშირისგან, გაწევრიანებაზე მოლაპარაკებები არ უნდა დაიწყოს - ვიქტორ ორბანი

უნგრეთის პრემიერ-მინისტრი ვიქტორ ორბანი აცხადებს, რომ ევროკავშირმა უკრაინასთან გაწევრიანების შესახებ მოლაპარაკებები არ უნდა დაიწყოს. ინფორმაციას სააგენტო Reuters ავრცელებს.

უნგრეთის ლიდერი დარწმუნებულია, რომ უკრაინა არანაირად არ არის მზად ევროკავშირში გაწევრიანებაზე მოლაპარაკებისთვის და თქვა, რომ „კიევი შორს არის ევროკავშირისგან“.

კრაინა ისე შორის ევროკავშირში გაწევრიანებისგან, როგორც მაკო (ქალაი სამხრეთ-აღმოსავლეთ უნგრეთში) იერუსალიმიდან", - განაცხადა უნგრეთის პრემიერმა.

მისივე თქმით, უთანხმოება ევროკავშირსა და უნგრეთ შორის მილიარდობით ევროს თანხებთან დაკავშირებით, რომლებიც გაყინულია ბუდაპეშტისთვის კანონის უზენაესობის პრობლემების გამო, არანაირად არ შეიძლება იყოს დაკავშირებული უნგრეთის მხარდაჭერასთან უკრაინის ევროკავშირში გაწევრიანების შესახებ მოლაპარაკებებში.

"მინდა ძალიან მკაფიოდ განვაცხადო, რომ უნგრეთის უარი უკრაინასთან მოლაპარაკებების დაწყებაზე ევროკავშირში გაწევრიანებაზე არ არის ბიზნეს შეთანხმების საგანი. ეს არ შეიძლება იყოს დაკავშირებული თანხების საკითხთან, რომელიც უნგრეთს აქვს უფლება მიიღოს", - თქვა მან.