აშშ უკრაინას 250 მილიონი დოლარის ღირებულების სამხედრო დახმარების ახალ პაკეტს გადასცემს

საქართველო, თბილისი - 11:29 | 28.12.2023

ნანახია: 1735

აშშ უკრაინას 250 მილიონი დოლარის ღირებულების სამხედრო დახმარების ახალ პაკეტს გადასცემს. ამის შესახებ შეერთებული შტატების სახელმწიფო მდივანმა ენტონი ბლინკენმა განაცხადა. იუწყება BBC

სამხედრო დახმარების ახალი პაკეტი მოიცავს საბრძოლო მასალებს NASAMS-ისა HIMARS-ის სიტემებისთვის; 155 მმ-იანი და 105 მმ-იანი კალიბრის საარტილერიო ჭურვებს; Stinger-ის საზენიტო რაკეტებს; TOW -ის ანტისატანკო რაკეტებსა და Javelin-ის ტანკსაწინააღმდეგო სისტემებს, ასევე AT-4-ებს.

ამასთან, უკრაინას გადაეცემა 15 მილიონი ტყვია-წამალი, ასაფეთებელი საბრძოლო მასალები, სათადარიგო ნაწილები, მედიკამენტები და დამხმარე აღჭურვილობა.

თეთრი სახლის განცხადებით, მას დარჩა უკრაინის სამხედრო დახმარებისთვის კიდევ ერთი პაკეტი. აშშ-ის პრეზიდენტმა, ჯო ბაიდენმა 20 ოქტომბერს კონგრესს წარუდგინა ახალი სამხედრო დახმარების პაკეტი, თუმცა კონგრესში არსებული უთნხმოების გამო მისი დამტკიცება ჯერ ვერ მოხერხდა.