ალექსეი ნავალნის თანამოაზრეები აცხადებენ, რომ იგეგმებოდა ოპოზიციონერი პოლიტიკოსის გაცვლა ზელიმხან ხანგოშვილის მკვლელობაში მსჯავრდებულზე

ალექსეი ნავალნის თანამოაზრეები ამბობენ, რომ პოლიტიკოსის გაცვლა იგეგმებოდა.

„ამ დღეებში ფაქტობრივად მისი გაცვლა უნდა შემდგარიყო. პუტინს ეს შესთავაზეს “, - დაწერა პოლიტიკოსის პრესმდივანმა კირა იარმიშმა  X-ში.

მანამდე გერმანულმა გამოცემა Bild-მა დაწერა, რომ შეერთებულმა შტატებმა, რუსეთმა და გერმანიამ განიხილეს ნავალნის გაცვლა მის გარდაცვალებამდე.

ამასთან, ნავალნის მოკავშირემ მარია პევჩიხმა YouTube-ის არხზე გავრცელებულ ვიდეოში განაცხადა, რომ განიხილებოდა შეთანხმება ნავალნის და აშშ-ის ორი მოქალაქის გაცვლის შესახებ ბერლინში ზელიმხან ხანგოშვილის მკვლელობისთვის მსჯავრდებული „ფეესბეს“ ოფიცრის, ვადიმ კრასიკოვის სანაცვლოდ.
„15 თებერვალს საღამოს დადასტურება მივიღე, რომ მოლაპარაკებები მიმდინარეობს და ფინალურ ეტაპზეა .16 თებერვალს ალექსეი მოკლეს“, - ამბობს პევჩიხი.