ჩინეთის პრეზიდენტმა ვლადიმირ პუტინს არჩევნებში გამარჯვება მიულოცა

რუსეთის პრეზიდენტს ვლადიმირ პუტინს არჩევნებში გამარჯვება მიულოცა ჩინეთის პრეზიდენტმა, სი ძინპინმა.

„თქვენი ხელახლა გამარჯვება რუსი ხალხის თქვენდამი მხარდაჭერის დემონსტრირებაა. მჯერა, რომ თქვენი ლიდერობის დროს რუსეთს უფრო დიდი მიღწევები ექნება“, – განაცხადა სიძინპინმა.

ვლადიმირ პუტინს საპრეზიდენტო არჩევნებში გამარჯვება ასევე მიულოცა ირანის პრეზიდენტმა იბრაჰიმ რაისმა

„ირანის ისლამური რესპუბლიკის პრეზიდენტი გულწრფელად ულოცავს ვლადიმერ პუტინს გადამწყვეტ გამარჯვებას და რუსეთის ფედერაციის პრეზიდენტად ხელახლა არჩევას“, – ნათქვამია გავრცელებულ განცხადებაში.

პუტინს მიულოცა ვენესუელის პრეზიდენტმა ნიკოლას მადუროც.

„ჩვენმა ძველმა ძმამ ტრიუმფალურად გაიმარჯვა, რაც კარგია მსოფლიოსთვის“, – ამბობს მადურო.

რუსეთის ცესკო-ს მონაცემებით, ვლადიმირ პუტინმა ხმების 85.13 პროცენტი მიიღო. ვლადისლავ დავანკოვმა ხმათა 6,65 პროცენტი მიიღო, ნიკოლაი ხარიტონოვმა – 3.84 პროცენტი, ხოლო ლეონიდ სლუცკიმ – 2.83 პროცენტი.