პარტიების რეიტინგი - Edison Research-ის კვლევა

ტელეკომპანია ფორმულას დაკვეთით, კვლევითმა კომპანია Edison Research-მა საზოგადოებრივი აზრის გამოკითხვა ჩაატარა. კვლევაში კითხვაზე, დღეს რომ საპარლამენტო არჩევნები ტარდებოდეს, ვის მისცემდით ხმას, 32.4%-მა ქართული ოცნება/ხალხის ძალა დაასახელა, ენმ/სტრატეგია აღმაშენებელი – 17.3%-მა, ლელოს, ანა დოლიძის პარტიისა და მოძრაობა თავისუფლების მოედნის ერთობა კი – 12.8%-მა.

სხვა პარტიების რეიტინგები კი ალოკაციით, შეწონვის მეთოდით შემდეგნაირად განაწილდა:

საქართველოსთვის (გიორგი გახარია) - 11.2%

კოალიცია ცვლილებისთვის (ახალი/გირჩი-მეტი თავისუფლება/დროა) - 9.9%

გირჩი (იაგო ხვიჩია) - 5.2%

ლეიბორისტული პარტია - 3.3%

პატრიოტთა ალიანსი და ალტ-ინფო - 2.6%

მოქალაქეები - 2.2%

ევროპული საქართველო - 1.9%

სამართლიანობისთვის (ეკა ბესელია) - 0.9%

სხვა - 0.3%

კვლევის ფარგლებში პირისპირი გამოკითხვის მეთოდით, ქვეყნის მასშტაბით შემთხვევითი შერჩევით გამოიკითხა საქართველოში მცხოვრები 1 000 საარჩევნო უფლების მქონე 18 წლისა და მეტი ასაკის ადამიანი. გამოკითხვა 2024 წლის 11-დან 24 ივლისამდე პერიოდში ჩატარდა.

ცდომილება არის +/- 2.5%, 95%-იანი სანდოობის დონისთვის.