„ჩვენი ხელისუფლება ვერ აიღებს პასუხიმგებლობას ამ კადრების შექმნაზე და გავრცელებაზე“ - თეა წულუკიანი

იუსტიციის მინისტრი თეა წულუკიანი მოროგი ფარული კადრების გავრცელების საკითხს ეხმაურება და აცხადებს, რომ ხელისუფლება ვერანაირ შემთხვევაში ვერ აიღებს პასუხიმგებლობას ამ კადრების შექმნაზე და გავრცელებაზე.

,,ჩვენ ეს ბოლო დღეები ვესწრებით განმეორებით და თანმიმდევრულ დარტყმებს ხელისუფლებაზე, ქართულ საზოგადოებაზე და სახელმწიფოებრიობაზე. ჩვენი ვალდებულებაა, რომ ეს უმსგავსო ქცევა, რომელიც დანაშაულია იქნეს გამოძიებული. რა თქმა უნდა ჩვენი ხელისუფლება ვერანაირ შემთხვევაში ვერ აიღებს პასუხიმგებლობას ამ კადრების შექმნაზე და გავრცელებაზე. ჩვენი მთავრობის პრიორიტეტია, რომ დამნაშავეები რაც შეიძლება მალე იქნენ მიგნებულნი და სამაგალითოდ დასჯილნი,“ - განაცხადა თეა წულუკიანმა.