სამხედრო მოქმედებას უკრაინაში მხოლოდ მაშინ შევაჩერებთ, როდესაც მოლაპარაკებები რუსეთისთვის ხელსაყრელ მტკიცე, მდგრად შედეგს გამოიღებს - სერგეი ლავროვი

რუსეთის საგარეო საქმეთა მინისტრმა სერგეი ლავროვმა ანკარაში მოლაპარაკებების შემდეგ განაცხადა, რომ რუსეთი შეაჩერებს სამხედრო მოქმედებას უკრაინაში მხოლოდ მაშინ, როდესაც, კრემლის თვალსაზრისით, ომის დასრულების შესახებ მოლაპარაკებები "მტკიცე, მდგრად შედეგს გამოიღებს", რომელიც რუსეთს დააკმაყოფილებს.

„პრეზიდენტმა [ვლადიმირ პუტინმა) მკაფიოდ თქვა, რომ ჩვენ (რუსეთი) მზად ვართ მოლაპარაკებისთვის, როგორც უკრაინასთან, ასევე ევროპასთან, ნებისმიერ წარმომადგენელთან, რომელიც კეთილი ნების სულისკვეთებით სურს დაეხმაროს მშვიდობის მიღწევას.

მაგრამ ჩვენ შევწყვეტთ სამხედრო მოქმედებებს მხოლოდ მაშინ, როდესაც ეს მოლაპარაკებები გამოიღებს მტკიცე, მდგრად შედეგს, რომელიც ხელსაყრელი იქნება რუსეთის ფედერაციისათვის, რა თქმა უნდა, ადგილზე არსებული რეალობა უნდა იყოს გათვალისწინებული“, - ტქვა ლავროვმა.

ლავროვმა შეაქო "აშშ-ის პოზიცია", რომელიც "თანმიმდევრულია".

„ის არ მოუწოდებს უბრალოდ დაუყოვნებლივ „მშვიდობის დამყარებას“, შეხების ხაზის დატოვების და შემდეგ იმაზე ფიქრს, თუ რა უნდა გააკეთოს - ჩვენ ყოველთვის ხაზს ვუსვამდით, რომ ასეთი ვარიანტი არ გამოგვადგება“, - განაცხადა აგრესორი ქვეყნის საგარეო საქმეთა მინისტრმა.