ახლავე გაათავისუფლეთ მძევლები, თორემ ჯოჯოხეთურ ფასს გადაიხდით, ეს ბოლო გაფრთხილებაა - დონალდ ტრამპი “ჰამასს“

ახლავე გაათავისუფლეთ მძევლები, თორემ მოგვიანებით ჯოჯოხეთურ ფასს გადაიხდით, ეს ბოლო გაფრთხილებაა, – ამის შესახებ აშშ-ის პრეზიდენტი დონალდ ტრამპი საკუთარ სოციალურ ქსელში წერს.

„შალომ ჰამასი“ ნიშნავს გამარჯობას და ნახვამდის – შეგიძლიათ, აირჩიოთ. გაათავისუფლეთ ყველა მძევალი ახლა, არა მოგვიანებით და დაუყოვნებლივ დააბრუნეთ თქვენ მიერ მოკლული ყველა ადამიანის ცხედარი ან ეს თქვენთვის დასასრული იქნება. ცხედრებს მხოლოდ ავადმყოფი და გარყვნილი ინახავს, ​​თქვენ კი ავადმყოფები და გარყვნილები ხართ! მე ვუგზავნი ისრაელს ყველაფერს, რაც საჭიროა სამუშაოს დასასრულებლად. „ჰამასის“ არც ერთი წევრი არ იქნება დაცული, თუ არ გააკეთებთ იმას, რასაც მე ვამბობ. მე ახლახანს შევხვდი თქვენ ყოფილ მძევლებს, რომელთა სიცოცხლეც თქვენ გაანადგურეთ. ეს თქვენი ბოლო გაფრთხილებაა! ხელმძღვანელობისთვის ახლა კარგი დროა, დატოვოს ღაზა, ვიდრე ჯერ კიდევ გაქვთ შანსი. ასევე, ღაზას მოსახლეობას: მშვენიერი მომავალი გელოდებათ, მაგრამ არა იმ შემთხვევაში, თუ მძევლები გეყოლებათ. თუ თქვენ ამას გააკეთებთ, მოკვდებით! მიიღეთ გონივრული გადაწყვეტილება. გაათავისუფლეთ მძევლები ახლავე, თორემ მოგვიანებით ჯოჯოხეთურ ფასს გადაიხდით!“, – წერს დონალდ ტრამპი.