მადლობელი ვარ მაკრონის, მშვიდობის მისაღწევად ჩვენი ერთობლივი ძალისხმევისთვის, მშვიდობა უნდა იყოს რეალური და არ შეიძლება ნიშნავდეს უკრაინის კაპიტულაციას ან დაშლას - ზელენსკი

მშვიდობა უნდა იყოს რეალური და არა მხოლოდ სიტყვა – ეს არ შეიძლება ნიშნავდეს უკრაინის კაპიტულაციას ან დაშლას, - ამის შესახებ უკრაინის პრეზიდენტი ვოლოდიმირ ზელენსკი სოციალურ ქსელში წერს.

ზელენსკი მადლობას უხდის საფრანგეთის პრეზიდენტს, ემანუელ მაკრონს „მისი მკაფიო ხედვისთვის და მშვიდობის მისაღწევად ჩვენი ერთობლივი ძალისხმევისთვის”.

„მადლობელი ვარ საფრანგეთის პრეზიდენტის, ემანუელ მაკრონის, მისი მკაფიო ხედვისთვის და მშვიდობის მისაღწევად ჩვენი ერთობლივი ძალისხმევისთვის,. მშვიდობა უნდა იყოს რეალური და არა მხოლოდ სიტყვა – ეს არ შეიძლება ნიშნავდეს უკრაინის კაპიტულაციას ან დაშლას.

ის უნდა იყოს სამართლიანი, საიმედო, გრძელვადიანი და ამის მიღწევა შესაძლებელია მხოლოდ ძლიერი და გრძელვადიანი უსაფრთხოების გარანტიებით – უკრაინისთვის, ევროპისა და მთელი მსოფლიოსთვის. ჩვენ ძალიან ვაფასებთ ყველას ხელმძღვანელობას და ძალისხმევას, ვინც მხარს უჭერს უკრაინას და აძლიერებს ევროპის თავდაცვის შესაძლებლობებს. მოუთმენლად ველოდებით უახლოეს დღეებში ერთობლივ მუშაობას მშვიდობისკენ მიმავალ ნაბიჯებზე“, – აღნიშნავს ვოლოდიმირ ზელენსკი.