ბადრი ჯაფარიძის საქმეზე განაჩენი 23 ივნისს გამოცხადდება

ბადრი ჯაფარიძის პროცესი 23 ივნისს, 17:00 სათზე გადაიდო - გადაწყვეტილება მოსამართლე ზვიად შარაძემ მიიღო. 

.ბადრი ჯაფარიძე დღეს საკუთარ პროცესს პროტესტის ნიშნად არ ესწრებოდა.

 ბადრი ჯაფარიძე საქართველოს პარლამენტის დროებით საგამოძიებო კომისიაზე ახსნა-განმარტების მისაცემად დაიბარეს, სადაც ის არ გამოცხადდა. აღნიშნულთან დაკავშირებით მას ბრალი სისხლის სამართლის კოდექსის 349-ე მუხლით წარუდგინეს, რაც „საქართველოს პარლამენტის დროებითი საგამოძიებო კომისიის მოთხოვნის შეუსრულებლობას“ გულისხმობს, აღნიშნული ისჯება ჯარიმით, ან თავისუფლების აღკვეთით ვადით ერთ წლამდე, თანამდებობის დაკავების ან საქმიანობის უფლების ჩამორთმევით ვადით სამ წლამდე.

ბადრი ჯაფარიძეს აღკვეთის ღონისძიების სახით 50 000-ლარიანი გირაო აქვს შეფარდებული, რაც მან კანონით დადგენილ ვადაში გადაიხადა.